張敬軒為好友的補習社擔任代言人，昨日他到灣仔出席該補習社活動，他表示剛簽約擔任第3年代言人，酬勞升了足足一半。提到軒仔所屬的環球唱片公司現在因版稅問題和無綫鬧翻，唱片公司更聲言若果問題未解決，歌手不會出席頒獎禮，軒仔對此說：「如果有個盃（指獎座）點都好嘅，但如果公司決定係唔去，我會跟公司。其實一切問題都係為錢，但我同無綫係講心，不過千幾萬版稅對一間唱片公司嚟講真係好可觀。」軒仔表示有朋友問他何時亮相亞視，令他啼笑皆非。
另外，軒仔和崔建邦份屬好友，自發生打女友事件，軒仔亦有聯絡他，他回覆一切OK，軒仔說：「佢都有提過個女仔，雖然我唔知實情係點，但我覺報道誇張，鉸剪腳點樣做到呀？我識佢都唔係咁躁嘅人。」
