今日是平安夜，性感女神周秀娜工作太忙，無暇準備禮物贈髮型師男友Avis，她卻計劃工作後回家洗白白，把自己打扮得花枝招展，搖身變成神秘禮物贈愛人，相信此舉必令不少電車男心碎。
周秀娜今年聖誕要在工作中度過，但她越忙越開心，同時也代表她的荷包腫脹。仍未為髮型師男友Avis準備禮物的她打算包裝自己做神秘禮物。
「送我自己」
問到聖誕準備了甚麼禮物送給男友？周秀娜口直心快的說：「送我自己，我會冲定凉等佢。」事後她才再補充：「講笑咋，我仲未諗到買乜嘢禮物，呢排工作好忙，冇乜嘢時間去挑選禮物，其實我哋平時都好鍾意送禮物畀對方，咁就唔一定要聖誕送嘅。」
周秀娜日前到金鐘一個商場的聖誕屋接受訪問，看到屋內的佈置，洋溢着聖誕氣氛，她顯得興奮雀躍，並頻說要留下來過平安夜。
充滿童真的周秀娜走近屋中的金色巨鹿裝飾，她笑言：「我有騎佢嘅衝動。」其後，她又走近另一邊的假火爐，她說：「我細個睇童話，成家人圍住火爐喺屋企開聖誕派對，真係好warm，好好氣氛。見到呢間聖誕屋佈置得咁靚，搞到我真係好想平安夜喺呢度過一晚，好似日本啲節目咁，安排藝人住喺玻璃屋，畀fans喺門口睇住佢嘅生活習慣。」周秀娜更表示不介意睡姿任人睇，她說：「咁先夠生活化嘛。」
from:
http://hk.apple.nextmedia.com/te ...462&art_id=13556655
