周秀娜（Chrissie）雖經常以性感形象示人，但她卻認為男人在公眾場所上下打量女性，已算是性騷擾。Chrissie還透露未入行前，有次在擁擠的港鐵車廂內感覺臀部被貼到實，嚇得她急急行開，不敢轉頭望。
周秀娜日前與Square的兩位成員James及Gary宣傳新片《關人7事》，戲中Chrissie飾演一名在便利店打工的平凡女子，經常被上司性騷擾，但她生性怕事，只會啞忍。至於現實中的她也遇過色魔，Chrissie說：「嗰時仲未入行，當時搭地鐵好多人好逼，有個男人企喺我後面，身體有所動作，我個patpat感覺到有啲嘢頂住我，我冇轉頭望，只係自己走開就算，嗰次都係唯一一次遇到呢啲情況。」
直擊阿伯OL
Chrissie說她有次坐港鐵見到一位OL身穿一條透視裙，背後有位年約60歲的阿伯目不轉睛由上而下打量那人，她覺得這種行為已經算是性騷擾。但Chrissie推出攬枕又拍比堅尼廣告相，同樣都是惹人遐想兼任人上下打量，對此她卻不表認同，Chrissie說：「我啲都係工作性質，做時冇諗其他嘢。」James也說：「我唔覺得有刻意引人犯法，反而係用欣賞眼光去睇，啲相影得好fashion好靚。雖然係好少布，但咁唔代表暴露。」
from:
http://hk.apple.nextmedia ... art_id=13390478
