無綫藝員岑潔儀（Zoey）被指與陶喆撻着，二人約會態度親暱，記者昨日致電Zoey，她指唱片公司睇咗報道都有打嚟鬧她，公司好反對緋聞。她表示與陶喆只是好朋友，經朋友介紹已認識了一段時間，對方每次來港都會約她見面，她去台灣亦有找對方。她又否認日前與對方「錫錫」：「係有拖手，扶一扶都有。（有冇發展機會？）將來嘢冇人知，（佢對你有冇意思？）你問佢呀！我都好想知。（會否做主動？）唔會，我好被動，女仔要有矜持，佢都唔係鍾意我，（你點知？）我諗囉！」報道出咗後兩人仍有聯絡，她謂：「佢叫我小心啲，有啲乜嘢可以再搵佢。（咁你會唔會乘勢食住上？）我唔敢。」
Zoey大讚陶喆多才，現正斟談唱片公司的她，坦言沒有叫對方幫忙。
