徐淑敏（Suki）昨日與準夫婿黃浩（Kenny）到尖沙嘴擔任婚紗店的開幕嘉賓，身穿紅色鬆身裙的Suki腹部微微隆起，問她打算幾時承認有孕？Suki與Kenny對望後，Kenny說：「其實都差唔多係時候，Suki啱啱到3個月。」Suki解釋說：「之前係怕BB小器，而且仲有合約喺身，所以一直冇認。我已經同無綫請咗假，呢個月17日做埋一個商場活動之後就開始休息，直到明年9月先復工。」Suki的預產期在明年4月初，未知性別，但Suki表示想頭一胎是女。
Suki與未婚夫Kenny終於公佈有喜的消息，二人更希望第一胎是女。
老公身邊損友多Suki表示不少朋友叫她讀字典給BB聽，將來讀書科科A，Suki表示各種方法都會試。Kenny笑說：「我以前送過好多禮物畀生完仔嘅朋友，家係時候有回報。」Suki稱已經有三個女性朋友做契媽，契爺的人選則由Kenny負責，Kenny笑說：「我身邊啲朋友都唔乖，所以要揀啲善良同乖嘅人做契爺先得。」採訪：何慧斯攝影：彭琮然
