詹瑞文前晚在灣仔演藝學院演出「港女發狂港男發瘟之o靚模襲地球」，節目上詹Sir笑談o靚模風氣，又辣到劉德華、朱麗倩和喻可欣的三角關係，另外還有曹格打架事件，不知眾人聽到可會發狂。甫開場詹Sir先提到o靚模，他笑說：「包裝對o靚模好緊要，佢哋鍾意包住自己，又唔介意俾人包。」
詹瑞文扮成o靚模，惹人發笑。
接着詹Sir扮女人名叫朱麗葉，他指自己是朱麗倩的祖先，扮演朱麗倩的演員表示男方24年都不肯帶她出街，詹Sir開始發招說：「姓朱麗都係俾男人昆，所有男人都講大話，我哋鄉下喺大馬，大馬好熱，要好多fan（風扇，暗指歌迷），冇fan生存唔到。男人性格好躁，變成躁格（曹格），喺街打人，用路牌車人，仲伸落人哋嗰度。」
