容祖兒與陳奕迅（Eason）將於下月合作演出音樂會，二人昨日在商台出席記者會時不停鬥嘴互窒，祖兒更翻舊賬，指當年曾跟Eason住同一幢大廈，二人在電梯相遇時，Eason對她的熱情招呼只冷漠對待。「容乜易佢囂」
兩人一見面就互寸一番，Eason說：「真係等咗好耐囉，同李克勤、張信哲、古巨基唱，都唔同我唱，都話佢睇我唔順眼喇。」祖兒笑言：「係唔順眼呀，其實我內心係好欣賞佢，每晚我都會諗陳奕迅，你好嘢，不過次次都唔同語氣之嘛。」
其實Eason經常在記者面前讚祖兒唱歌了得，祖兒聽後覺得難以置信，Eason即解釋：「我梗係唔會喺佢面前讚佢啦，容乜易佢囂o架，我唔想人囂過我呀嘛。」Eason還表示要挑戰祖兒，在演唱會中表演祖兒半身傾斜的勁舞。問到二人會否大跳辣身舞？Eason笑說：「唔好喇，免得俾人做新聞。」祖兒安撫說：「放心啦，我同你唔會有呢啲新聞。」
祖兒擁三層樓
問到表演時在台上會否鬥嘴鬥到大打出手？Eason講笑說：「吓！唔可以喺公眾場合打交o架喎。」祖兒說：「咁佢始終都係我前輩，點都要尊重佢。」祖兒更憶述多年前曾與Eason住同一幢大廈，不過當時她還是新人，試過二人在內相遇，祖兒熱情地向Eason打招呼，Eason只冷漠地揮揮手，令祖兒印象深刻，Eason解釋：「咁我嗰時真係唔識佢，點可以好熱情呀，不過我可以證明，祖兒以前個樣同家冇乜點變，都係咁上下。」
此外，祖兒被指是億萬富婆，她回應：「邊有咁多呀，我係有三層樓，面積可能係有，但一日未供完，未埋單都唔知有幾多錢。」
採訪：胡比 攝影：陳俊強
--->Eason解釋：「咁我嗰時真係唔識佢，點可以好熱情呀，不過我可以證明，祖兒以前個樣同家冇乜點變，都係咁上下。」...........冇乜點變?
