鄧麗欣（Stephy）早前確診人類豬流感，康復後上月底復工，昨日她應邀到何文田區的紅十字會捐血，並呼籲其他豬流感康復者捐血，製成抗體為病人注射，殺死病毒。至於死敵傅穎（Theresa）主動要求和金牌大風提前解約一事，Stephy聲稱希望她未來有更好發展。
早前確診豬流感的鄧麗欣現已康復，昨日她到何文田區的紅十字會捐血，同時呼籲其他康復者捐血，讓港大和紅十字會研究新療法。雖然Stephy曾有捐血經驗，不過她昨日仍難掩緊張。
Stephy捐血前表現鎮定，展露歡顏。
有傳死敵傅穎主動要求和金牌大風解約，Stephy聞言說：「我有睇過報道，但係冇刻意去了解，因為合約問題未搞清楚，都唔方便問，始終我哋一齊咁耐，希望佢會有好嘅發展。」問到側田與曹格打鬥事件，Stephy說：「我冇搵側田，有託同事問候佢，知佢家冇事。」她之後力撐指今次「唔係大件事」，她說：「佢哋兩個係好朋友，唔係咁大件事，佢哋兩個冇事最緊要，以我了解嘅側田係一個好溫馴嘅人，好錫身邊同屋企人。」她認為不應再批評此事，但同意不應在公眾地方有這種行為。問到Stephy有否試過醉酒生事？她說：「試過飲醉，但係知自己底線，唔得就唔會再飲，身邊要有信得過嘅人先飲。唔開心我又唔會飲酒，最多係狂食嘢。」提到側田今次因撐朋友導致與曹格衝突，Stephy說：「男女唔同，女仔好少咁，最多都係傾偈傾到攬住喊。」
鄧麗欣Stephy昨日身體力行捐血，但當工作人員準備抽血時，她卻面露害怕神色。
問Stephy可有與多次傳出不和的傅穎相擁而哭時，她說：「梗係有啦，以前Cookies仲係一齊做嘢，有時做完嘢好或者唔好，都會成班人喺後台攬埋一嚿，開心唔開心都會。」
