詩雅早前與洪卓立和陳家樂主演電影《很想和你在一起》，她表示拍此片拍到抑鬱，她說：「拍嘅時候驚自己唔夠投入，所以cut機唔敢玩，收工返去唔睇電視唔上網，連嘢都唔講，怕比其他嘢影響到。屋企人就最驚，好彩拍完冇事。」
詩雅害怕難以抽離角色，但會努力克服。
盼拍杜琪峯話雖如此，詩雅仍希望繼續在影壇發展，她說：「角色大細都冇所謂，最希望可以試吓同唔同導演合作，好似杜sir（杜琪峯），雖然好多人都話佢好惡，但係真係好想試吓。」提到杜琪峯為求完美，一部電影會花極長時間拍攝，詩雅說：「最怕其實係抽離唔到，我驚會好似今次咁拍到抑鬱，如果持續三、四年就唔知會點。」問到最想演甚麼角色時，她說：「我想做全智賢《我的野蠻女友》嗰種，想試吓恰人，唔想好似好柔弱咁，想轉變大啲。」
