人氣持續高企的o靚模周秀娜（Chrissie），前晚獲邀到尖沙嘴出席電單車宣傳活動，同場還有方中信。方中信曾公開批評Chrissie為宣傳寫真當街派雪糕風氣不健康，前晚二人碰頭均表現大方，但合照後卻未見交談。
Chrissie騷長腿晒本錢，方中信卻目不斜視看都沒看一眼。
周秀娜和方中信前晚寃家路窄，全程零交流。
周秀娜否認貼錢行騷
方中信表示事前已知與Chrissie同場，起初他也讚女方工作表現不錯，但問到是否已對Chrissie改觀時，他說：「傳媒咁樣報道佢，佢一定係有嘢可以畀傳媒報道，但我以爸爸角度去睇，我唔會畀個女行性感。」同場會否尷尬？方中信笑說：「冇喎，最多係年紀懸殊，我可以做得佢老竇。」Chrissie也謂與方中信見面不尷尬，還賣口乖讚他是女仔心目中的型男，更多謝他留意自己。但講到方中信稱不會讓囡囡行性感，Chrissie說：「每個人睇法唔同，我爹哋好支持我做每件事，我自己都好清楚，爹哋亦都好清楚。」早前Chrissie首次到日本參與Tokyo Girls Collection2009A/W時裝騷，但有消息指她為博有份參加，不但未收酬勞，甚至自掏腰包貼錢，Chrissie澄清說：「我係有酬勞，係以model身份去行騷。不過我當然唔係睇錢，因為今次機會我有好多得着同收穫。」對於有指她所簽的日本經理人公司是蚊型規模，她表示最重要是公司錫自己。
