片由彭順監製、陳偉霆（William）、鄧紫棋（G.E.M.）等主演的新片《愛出貓》，前晚在尖沙嘴舉行首映禮，除片中演員現身造勢外，江若琳等也有捧場。
彭順謂至今仍未向李心潔（小圖）求婚，今年內也不會有結婚計劃。
早前有傳彭順將於明年初與拍拖7年的女友李心潔拉埋天窗，前晚彭順否認其事，並說：「結就結硬，未咁快，我仲做緊《風雲2》，冇咁快，我亦都未求婚。」記者笑言李心潔會很慘時，他即搞笑說：「慘得過老公冇嘢做，因為我結婚就會計劃生仔，大家都冇受到屋企嘅壓力，亦都冇七年之癢。」江若琳則透露專程捧彭順的場，也支持一班師弟、師妹。對於劉德華近日被爆已婚，她說：「係開心事，可能未到一個適當時候公佈，呢啲係佢哋嘅事，唔好畀咁多輿論壓力。如果我拍拖就一定會公開，因為唔想俾人寫同埋俾人跟。」採訪：何永寧攝影：黃偉雄
