應采兒、陳豪、安志杰、陳曜旻女兒陳小韻及Lisa S.等，昨日在中環出席Furla手袋活動。娛圈近期婚事連連，應采兒之前公開向陳小春逼婚，問她將來會否公佈婚訊？她說：「註冊未必，擺酒一定會，雖然佢未求婚，但有共識。我唔急呀，但為佢擔憂，我得26歲，仲可以等兩年，你諗吓佢個女10歲時，佢會幾多歲。」小春到時人工授孕？她說：「唔使，男人好老都得o架。」
另外，陳小韻將於年底結婚，嫁予投資銀行男友Kin，但不肯多透露詳情，她說：「未方便講住，但唔會喺美國囉，我會喺香港擺酒，爹哋好鍾意我未來老公。」婚紗方面，陳小韻表示找了鄭兆良替她設計，至於生育大計，陳小韻說：「下年先諗，我唔係衝動嘅人，咁多年揀咁多個就係想揀個啱嘅。」採訪：梁錦雯攝影：林德雄
