周秀娜(Chrissie)昨日現身旺角,以密實球衣打扮主持開球禮。對於同期o靚模Kama(羅凱珊)最近認識模型太子爺後有意收山,Chrissie坦言30歲前都無意結婚,因為現正是努力搵錢搏殺期。
周秀娜昨日帶同師妹A.Lin(裴殷),Dada(盧頌之),Annie G.(吳燕安)及Hailey C.(陳煦晴)到麥花臣球場,出席香港五人足球賽,Chrissie更為球賽作開球禮嘉實,她今次以密實英格蘭球衣造型出席,依然有不少人於場外圍觀。
![周秀娜唔羨慕Kama羅凱珊收山圖片1](http://static.apple.nextmedia.com/images/apple-photos/apple/20090831/large/31ec4p1.jpg)
周秀娜昨日以密實波衫造型到旺角主持開球禮。
身為詩琳纖體代言人的Chrissie,早前為公司拍下的一輯性感比堅尼電視廣告,接獲廣管局150多宗投訴,直指意識不良,教壞細路,她昨日似有備而來,解釋說:「個idea係導演、客戶創意,我只係負責拍,做好要求,帶出纖體效果,投訴冇諗咁多,自己都好鍾意個廣告。」Chrissie透露為準備下月初日本Tokyo Girls Collection時裝騷,早前找了名師「補鐘」:「之前補咗兩堂,都夠啦,我仲買咗啲日文書。」
對於同期o靚模Kama因結識了模型大王之子,有意收山上岸,Chrissie即笑笑口說:「我都成日上岸,成日去游水。其實拍拖好正常,最緊要開心,男友係講互相信任。」問到她會否效法Kama,找個有錢男友收山,她說:「自己30歲後先結婚,3字頭之前都係搏殺期。」至於會否秘密結婚,她說:「都會公開,不過都未搏殺夠。」