郭富城嗒王秀琳黛林激病
郭富城和熊黛林（Lynn）發展地下情3年，最近女方在內地趕拍電影《葉問2》，城城趁着冇王管，從上海參加完賽車即急會過氣女歌手王秀琳（Mango）。有指大前日上午Mango獨自到城城的大坑寓所至下午才出動醫肚，由城城駕駛近百萬的紅色日產GTR戰車接載到跑馬地，Mango下車後即閃，城城則返家休息。
樂仔唔知二人拍拖Mango乘虛而入，Lynn的城嫂位置危危乎，Lynn的助手昨日代為回應：「Lynn家喺內地拍戲，又病咗，所以暫時未覆機冇回應。」對於城芒戀，城城的經理人小美昨日透過電話短訊回覆：「係好普通嘅社交同紳士風度，我唔明點解咁大驚小怪，交朋友都唔應分等級。」直至截稿前，Mango仍未回覆。城城老友余文樂則表示對二人拍拖並不知情，問他會否覺得城城花心？樂仔說；「可能食吓飯，佢平時鍾意賽車，個人好健康。」知不知城嫂有沒有因此而不高興？他說：「我唔知邊個係城嫂，你哋唔好難為我啦。」
