劉倩婷當選澄清冇斷背冇隆胸

25歲茶餐廳太子女劉倩婷前晚爆冷贏得港姐后冠，劉媽媽喜見愛女飛上枝頭變鳳凰，昨日開心到派餅派利是給茶餐廳伙記及街坊熟客，分享喜悅。對於愛女被指爆冷，劉母指女兒是實至名歸，至於斷背、隆胸及爆粗煲煙等負面傳聞，她挺身維護女兒說：「呢啲真係無中生有。」

其他娛樂名人影片家住上環帝后華庭的出爐港姐冠軍劉倩婷，家人在上環水坑口街開設的綠島茶餐廳小廚，不經不覺開業8年，跟附近街坊十分熟絡。雖然劉倩婷前晚一登龍門聲價十倍，但劉母昨午仍如常在茶餐廳招呼熟客，不少街坊甚至茶餐廳一班伙記紛紛上前恭賀劉母，又大讚劉倩婷上鏡靚女及表現出色，逗得劉母開心不已，第一時間着伙記將放在雪櫃的蛋糕分給大家分享。

母代女保管后冠其間記者聞得劉母問伙記：「髮型屋嗰邊蛋糕同嗰啲攞晒去未？」及「派咗過去嗰啲家剩番幾多？有邊個未畀你哋？」說罷從手袋中掏出幾封利是派給伙記。原來劉母為愛女封后而心情勁靚，特地派餅派利是跟街坊熟客和伙記分享。有伙記問劉母其女兒后冠如何處理，劉母即笑說：「梗係交畀媽咪啦。」之後記者表明身份，問劉母對女兒封后心情怎樣時，她笑說：「好開心、好興奮，噚晚等到佢凌晨4、5點先至切蛋糕。不過，我好奇怪啲人點解話佢爆冷，我覺得個女係實至名歸，唯一輸蝕就係高度（劉倩婷身高5呎3吋半）。」問到有關劉倩婷斷背及隆胸傳聞時，劉母無奈地嘆了一聲，然後說：「其實呢啲真係無中生有，佢換泳衣嗰陣大家都見到身材，真定假唔使攞出嚟畀人睇。」至於斷背傳聞，她說：「真係冇可能，簡直啼笑皆非。」昨日有自稱是茶餐廳熟客讀者向本報爆料，指之前不時見劉倩婷在茶餐廳幫手，見她又講粗口又煲煙，跟鏡頭前完全兩個模樣。對此劉母沒好氣說：「你哋唔應該問我，問街坊同其他人好過，阿女有時落嚟幫手，街坊好清楚佢為人。」可擔心女兒入娛樂圈後承受不了壓力？她說：「最緊要佢開心，唔會畀壓力佢，其實高盛（之前任職的證券公司）都有叫佢返去做。我呢間茶餐廳開咗8年，如果我有啲乜嘢唔好，都唔會咁多街坊恭喜我啦，最高興係可以完成佢爸爸（年初去世的繼父）心願。」

與馬詠恩性格似此外，劉倩婷昨午聯同一班得獎佳麗於尖沙嘴香格里拉酒店見傳媒，劉倩婷自言由77年港姐冠軍朱玲玲加冕，感覺十分特別，她說：「感覺好特別，難以形容，佢仲同我講叫我唔好咁緊張，享受呢一刻，真係好難得，佢好高貴大方。」她表示今次總算完成亡父遺願，又揚言絕對會履行港姐的承諾。對被指與落選港姐5馬詠恩關係曖昧，她說：「佢絕對係我普通嘅好朋友，大家共處咗三個月，加上性格都好相似，所以我哋絕對係好朋友。我都有打畀佢，佢好樂觀，我對佢有一定信心，總之互相支持。」問到她究竟喜歡同性或異性時，她說：「我鍾意異性o架，不過感情事唔使急。」對於有指她食煙講粗口，她說：「唔係真事，我一定冇食煙，亦都未試過。身邊朋友食煙我都會覺得對身體唔好，至於講粗口梗係唔會，我身邊嘅朋友都知我一句都唔會講，時間可以證明一切，我都有心理準備會有負面新聞，將來有更多時間畀大家去認識我。」採訪、攝影：黃文偉、李志明、王崇穎
人物誌：風騷任葆琳有女人緣出爐港姐冠軍劉倩婷，是02年港姐冠軍林敏俐的表妹，參選期間獲封為「風騷任葆琳」，最後順利勝出，但是非多多，有讀者爆料指她有個同性密友KittyChan，對方父親為內地地產商，身家逾20億。據知兩女當年在英國名校Roedean School認識；劉倩婷參選時，Kitty更不停為她在網上拉票，似乎關係匪淺。不過也有指劉倩婷對5馬詠恩照顧有加。前晚港姐決賽宣佈賽果前，兩人更不避嫌手拖手互相支持；當宣佈劉倩婷摘冠後，馬詠恩更多次與之擁抱及面貼面道賀，足見姊妹情深。