李珊珊昨日一襲鮮紅色胸前開窿裝，與低胸上陣的郭羨妮出席記者會。珊珊對於與錢嘉樂分手三年，但仍有報道指兩人關係糾纏不清，她直言兩人友誼永固，至於是否拒絕翻撻，她有所保留，怕說錯話遭上天教訓。
李珊珊、郭羨妮、朱茵、林莉、丘凱敏、陳嘉容和蔡瀾等，昨日於尖沙嘴出席無綫節目《蔡瀾美食》記者會，眾女中以李珊珊的心口開窿裝與郭羨妮的低胸裝最性感，反而身材同樣有睇頭的朱茵則略為遜色，她說：「都唔係呀！有時着衫要適合場合。」
李珊珊談到與錢嘉樂（小圖）會否復合時，卻不敢妄下定論。
大會昨日安排眾人試菜，當主持人要求蔡瀾站起拍照時，蔡卻險些跌倒，無綫高層何麗全和郭羨妮即扶着他。事後問到李珊珊是否過於性感嚇親蔡瀾時，她說：「佢見慣大場面啦！」有指錢嘉樂對珊珊依然念念不忘，她說：「大家唔好再咁樣，呢三年都傳到未停過，畀啲空間佢去發展啦，我同錢生都唔係掟煲唔掟蓋嘅人，總之大家友誼永固，再咁傳會好影響大家嘅另一半，大家要顧及另一半嘅感受。」珊珊自言暫時未找到可以公開的另一半，問到會否盡快找個伴來解開與錢嘉樂糾纏不清的關係？她說：「我唔可以咁樣犧牲人哋，唔想影響對方。」至於會否堅拒與錢嘉樂復合，珊珊有所保留說：「唔會咁講囉，會返唔到轉頭俾個天教訓o架，唔應該咁樣。」
睇好8號熊穎詩另外，港姐出身的珊珊表示今年候選佳麗十分難揀，幸好未有擔任評判，她說：「真係好睇現場表現，我覺得8號熊穎詩好適合喺呢行發展，佢好有舒淇嘅影子。」對於今年冠軍將由朱玲玲加冕，珊珊說：「佢係最有代表性，可以解決啲難解決嘅問題。」郭羨妮也說：「我都好想由朱玲玲加冕！」
