將於10月到峇里做新娘的關心妍（Jade）昨日到商台接受訪問，Jade透露最近積極籌備婚禮，近日已準備派發餅卡給親友，其實前晚她也有參與《8.8水災關愛行動》籌款活動，但由於她有感場合不適宜派發餅卡，所以就擇日再派，她透露將於11月在香港搞結婚派對，她說：「我到時會請楊千嬅、泳兒等，唔係唔請舊公司啲人，好似周麗淇噚晚見到都有恭喜我同問我攞餅卡。」
穿裙褂行禮
雖然結婚日子漸近，但Jade除了仍未撲齊機票外，原來仍未考慮影婚紗相，但她強調在婚禮會穿上中國裙褂，她說：「反而未來奶奶同媽咪到時就唔會着裙褂，男友都唔會，唔係就成個呆佬咁，至於到時着嗰件婚紗就喺美國網上訂購，我只係揀咗最細size咋，度蜜月就想去巴黎，但一切都未決定。」
如果您喜歡這篇文章，請按「讚」或分享給您的朋友，以示鼓勵。
