無綫新劇《王老虎搶親》踏入結局週，為谷收視，上個禮拜四（七月三十日）全體演員以古裝扮相出席花車巡遊。
一向搞笑嘅錢嘉樂，企响開篷巴士上層，攞住支咪區議員上身，不斷叫人投佢一票，又話會幫市民爭取最低工資。
之後，錢嘉樂仲帶頭拍打隔籬架巴士嘅車窗大叫：「唔好瞓覺呀！記得睇《王老虎搶親》呀！」
不過，最搞笑係錢嘉樂見到巴士車身有阿嬌嘅瘦身廣告，開始亂噏當秘笈：「阿嬌，好耐冇見，肥咗又靚咗喎！」之後仲屹高雙腳，扮偷睇阿嬌條低胸裙：「咁樣好睇好多喎！」搞到企正佢旁邊嘅胡定欣，笑到棚牙凸晒出嚟，無晒儀態。
續集叫《Juno搶親》好唔好？（設計對白）
分咗手呀！（設計對白）
錢嘉樂見到阿嬌嘅廣告借題發揮搞爛gag，笑到胡定欣失晒儀態。
