o靚模為咗「升呢」，個個都諗計搭路去日本發展，當中包括近期人氣急升嘅周秀娜。周秀娜為上位不惜飛bra漏奶，推出人形攬枕、性感T恤，以及最新嘅口腔用品，但據知因為去得太盡搞到形象「降呢」，而被飛出日本「Tokyo Girl Collection」時裝騷。
周秀娜冇份，早前是非纏身嘅諸葛梓岐（Marie）就冷手執個熱煎堆，同Angelababy一齊喺9月行呢個爭崩頭嘅一年一度日本大騷。諸葛梓岐仲俾日本十大經理人公司K Dash睇中，話要簽佢進軍日本市場。而8月底佢又喺香港推出SM Tee，實行全面狙擊周秀娜。
今年的「Tokyo Girl Collection」將會在9月5日東京六本木舉行，香港的model只有Angelababy、諸葛梓岐和Mandy Lieu入選，但Mandy最後因檔期問題而退出。
據知，周秀娜亦是候選模特兒之一，但因為最近形象太差而被淘汰。而諸葛梓岐能夠入圍，原來是全靠日本通好友王友良出手搭路，知情人士透露：「王友良將Marieo靚相俾KDash（日本十大經理人公司）社長睇，社長一睇已經好鍾意，加上Marie有四分一日本血統以及諸葛呢個姓氏，所以即刻約Marie飛去日本見面，仲即時出面幫佢接埋『Tokyo Girl Collection』個騷。」
KDash在日本藝能界非常有名，旗下藝人包括有中島美嘉、主演《醫龍》的坂口憲二和曾演出過《藝妓回憶錄》及《蝙蝠俠：俠影之迷》的渡邊謙等。若諸葛梓岐成功簽約，將會成為旗下K Dash新公司Clover的藝人。對於進軍日本市場，諸葛梓岐在電話中回應：「KDash俾我嘅條件都好好，但有啲細節未傾好，而且我想爭取話事權，今個月26號我會過去fitting，到時會再詳細傾。」
暗寸周秀娜一味sell胸
不過諸葛梓岐表示唔會放棄香港呢個地盤。8月底她將會推出SM Tee，不讓早前出性感Tee的周秀娜專美。
諸葛梓岐設計的四款Amazing x RiRi T恤，很有SMfeel。問她是否衝着周秀娜的產品而設計，諸葛梓岐暗寸說：「我點敢？我做自己嘢啫。我都唔係專登去影SM相，係攝影師希望試多啲唔同變化，唔係一味淨係show大胸。（咁你怕唔怕SM Tee影響形象？）唔怕，意識都唔係好大膽，我sell嘅係女性線條同highfashion。」問到男友薛嘉麟（Neway二太子）有沒有反對？她說：「佢都覺得啲相影得幾靚。到時會叫佢着嚟支持我！」
對於被「Tokyo GirlCollection」嫌形象太cheap，周秀娜透過經理人Roy回應：「冇聽過呢個傳聞，9月亦冇呢個工作，不過遲啲會同日本公司有合作，下個月先公布。」至於諸葛梓岐出SM Tee，周秀娜表示：「值得開心，呢啲創作應該支持，多啲藝人參與開心啲。」
「Tokyo Girls Collection」是日本每年時裝界的盛事，去年Kama成為香港代表。今年Kama被out，取而代之的是Angelababy（上紅框）和諸葛梓岐（下紅框）。
另一款T恤的造型相，諸葛梓岐真空上陣，而下身則穿T back和通花喱士褲，戴上皮手套的雙手被綑綁着，狀甚誘人。
諸葛梓岐在8月底推出四款SM Tee，T恤上均會印上由諸葛梓岐親身演繹的SM造型照，圖中一款是她雙手被桃紅色皮帶綑綁於身後。（設計圖片）
諸葛梓岐的SM Tee沒有皮褲和皮鞭，但誘惑得嚟比較高貴，相比周秀娜的性感三點式Tee，明顯不同。
周秀娜今年年初，已跟本地網站合作推出1:1人形咕以及潮Tee，雖然親身上陣做埋生招牌，但嗰時未有人氣回響唔大。今次動漫節佢再推出人形攬枕同性感Tee，卻成為城中熱話。
日本出席可樂活動
7月中，諸葛梓岐去了日本見K Dash社長，更即時獲安排出席可口可樂旗下的健康飲品活動，結識當地媒體，為攻日鋪路。
