自從o靚模湧現後，娛樂圈真係高潮迭起，晒胸潮、互插潮、被非禮潮，而最新嘅潮就係喊潮。
其實，大眾對o靚模嘅觀感，由最初人人得而攬之，到最近人人得而誅之；由「冇資格做模特兒」，到冇資格做人；甚至指罵為「低俗的chicken」……個個口誅筆伐。俾人插到阿媽都唔認得，o靚模立即有對策，封胸之餘仲扮晒可憐，一於你喊我又喊。搞到媽咪姐睇到都想喊埋一份——咁屎橋呀！
我好驚聽到個「雞」字o架！（設計對白）
到煮田雞時，對住啲劏好嘅田雞，佢又喊，要暫停錄影，叫工作人員攞紙巾俾佢「捽眼」。點解話「捽眼」？因為睇唔到有眼淚囉！
周秀娜聞「雞」即喊
俾人插係「雞」嘅周秀娜，一知道抽到要煮田雞，即刻喊晒。佢話好驚田雞喎！
時間：8月3日
節目：《美女廚房》總決賽
地點：TVB錄影廠
