楊崢、Jocelyn昨日與o靚模周秀娜及A.Lin一齊行騷，名單上本有陳嘉容的名字但不見其影蹤，大會解釋她以不想穿短褲為由拒絕出席。楊崢表示對近日o靚模的報道感到沉悶，叫她提點後輩時又說：「我唔係o靚模前輩，我係model。」言語間與o靚模劃清界線。
近日o靚模大出風頭，有指o靚模割價接job，令一眾模特兒的工作受影響。身為資深模特兒的楊崢昨日與周秀娜、A.Lin於尖沙嘴出席花生騷，大會的名單及海報均印有陳嘉容名字，但未見她出席，未知是否不想與o靚模同場，不過大會解釋陳嘉容兩日前以不想穿短褲為理由而拒絕出席。問楊崢會否覺得陳嘉容不夠專業？她說：「唔批評人哋做嘅事，係咪誤傳咋。」
周秀娜暫時收起性感，穿上背心短褲出席花生騷。
楊崢在場與兩位o靚模有傾談，不過她覺得有關話題十分沉悶，她說：「乜嘢人出function都係講呢個話題，佢哋好靚好sweet、身材又好，大家唔好有針對性，我哋冇衝突，唔會搶job。」當記者問到楊崢對一眾o靚模有何提點？她笑一笑說：「吓，我唔係o靚模前輩，我係model。」問到周秀娜會否覺得陳嘉容不想與o靚模同場？她說：「我冇諗太多，佢有自己原因。」她又表示沒有看過何超儀指o靚模是雞的報道。對於有指她為父還債要擔起養家重擔，周秀娜透露哥哥及弟弟都有份養家，對於父親欠債一事她不想回答，她說：「過咗去啦，家生活幾好。」
A.Lin認影床照放大圖片
A.Lin於活動上否認在blog中以粗口鬧母校。
此外，A.Lin被踢爆於blog爆粗鬧母校，又被刊登與男友親密照，她解釋：「個網我兩年冇用啦，我冇用粗口，啲相係同前男友喺床上影，全部有着衫。」陳嘉容昨日接受電話訪問，否認不屑和o靚模同場，她說：「梗係唔會啦，唔關佢哋事。主要係因為公司接job時，對方講咗係一單charityevent，但後來又話要全部着tube top、熱褲，我覺得好奇怪囉，公司認為唔適合咪唔做囉。」
