47歲嘅杜德偉（Alex）同細21年嘅模特兒女友王珈晴（Bibe）拍拖兩年，一直風平浪靜，今年2月Alex媽咪張露嘅追思會以及5月爹哋嘅婚禮，Bibe都好似半個新抱仔咁幫男友打點。
杜德偉噚日默認同拍拖兩年幾嘅女友Bibe分手。資料圖片
柏妍安（左）被踢爆上星期同Alex（右）及經理人等約會開餐。
祝Bibe覓真愛不過，噚日突然傳出Alex同Bibe分手，據講主要原因係年齡上嘅差距，Alex一心想喺事業方面再衝刺，包括演藝工作同時裝生意，令正值青春年華嘅Bibe覺得唔容易適應，最後Alex惟有向Bibe提出分手。上個月Alex一個人去歐洲旅行去咗兩個星期，其實已經有迹可尋。身在台北嘅Alex噚日被問到分手事件時，佢間接承認咁話：「算是平淡了，各自有各自的事情要忙，已經比較少聯絡了。」至於有冇復合機會？Alex話：「順其自然吧，如果對方交了新朋友還是會祝福她。」咁啱得咁蹺，Alex被踢爆上星期五喺台北一間餐廳同台灣女藝人柏妍安開餐，柏妍安啱啱加盟咗Alex同一間經理人公司，仲改名叫錢柏渝，當日除咗佢哋外，仲有佢哋嘅經理人等。柏妍安同Alex有講有笑，離開嗰陣仲好興奮咁同朋友揮手拜拜。前日柏妍安被問到同Alex約會，佢澄清話只係同Alex及經理人傾吓偈啫。
台灣女藝人柏妍安離開時好風騷咁揮手講拜拜。
