趙碩之、戴夢夢和陳若嵐（Melody）昨日到灣仔動漫節，擔任cosplay比賽頒獎嘉賓，最後由25歲的區可兒以一身「趙雲」造型勝出。一向以性感出位的趙碩之昨日如常以露肩裝現身，她出口批評周秀娜的一番性幻想對象言論，趙碩之說：「我好介意成為男士嘅性幻想對象，受歡迎係一回事，如果我係佢男朋友就會介意佢衣着太性感。」經常以性感造型示人的趙碩之又表示和周秀娜的路線不同，自己只有在工作時才會以性感打扮出現，她再批評周秀娜說：「我係佢男友就唔開心，我認為佢為工作做多咗。」
戴夢夢也加入批評周秀娜，她說：「我認為只可以做男朋友或老公嘅性幻想對象，絕對唔可以做大眾嘅，我係佢男友或老公實唔開心。佢真係好博，其實女藝人唔使咁博，應該要錫身啲。日日娛樂版同雜誌都係佢，我唔係話佢唔好，但真係唔使行到呢一步。」採訪：王崇穎攝影：陳順禎
以性感打扮亮相的趙碩之狂插周秀娜的性幻想論。
