當年在動漫節擔任模特兒出身的李曼筠（動漫Maggie），前晚騷胸到旺角出席活動。身為模始祖兼經常以性感示人的她談到模熱潮時，竟訓示後輩不要只顧賣弄身材，要努力增值才有機會突圍。
近日o靚模席捲書展，身為始祖之一的李曼筠前晚以低胸露背背心及熱褲，到旺角宣傳新戲《機器俠》，同場還有專程由北京運來的K-1機械人，而大會如臨大敵派出10位保安貼身保護機械人及動漫Maggie的安全。
李曼筠當年以動漫女郎身份吸引龍友拍照為人所識，因而得動漫Maggie之名。
動漫Maggie前晚穿上低胸裝，在旺角與機器俠宣傳新片。
談到近日o靚模湧現，動漫Maggie笑言自己不是前輩，問到想買那位o靚模的寫真集？她語帶不屑說：「我想有人送，冇錢呀，有錢都買衫出活動。其實唔係只睇胸，要睇成本書㗎。」
動漫Maggie雖然一向都憑身材出位，但她竟叮囑o靚模說：「唔可以只靠身材，要不斷進修，OL都要，我家學緊做戲同跳舞。」她又指書展分開o靚模區是好事，小朋友買書時未必見到性感o靚模。
提到如何保護胸部，動漫Maggie表示時刻都會保護，她語帶雙關說：「我成日都會防走光，免得飛啲唔應該飛出嚟嘅嘢。」暗寸一班o靚模走光博見報。今年書展把o靚模活動分開，避免影響書展，動漫Maggie坦言這是好事，因為可能有部份家長陪同小朋友到書展買書，可避免見到衣着性感的姐姐而有所影響。
另外，問到在旺角鬧市宣傳會否擔心有人掟鏹水？動漫Maggie無厘頭說：「今日又唔係乜大日子，我諗唔會今日掟。」
