書展未正式開始一眾模已鬥得難分難解，就連今年沒有份推出寫真集的趙碩之都來湊熱鬧，暗寸周秀娜等模的寫真集意識不健康，她更揚言：「今年出寫真，拎幾蚊就可以俾人由出面睇到入面。」趙碩之（Wylie）、戴夢夢、尹蓁晞（Yumi）及陳若嵐（Melody）前晚到荃灣，宣傳動漫節主題曲《動漫女神》。日前周秀娜的寫真集一張性感刷牙照引來頗大迴響，不過Wylie卻對此有意見，言語間更暗寸周秀娜。
趙碩之說：「其實影比堅尼相唔係唔健康，但唔明點解要一路刷牙一路影，意識有少少不良，刷牙都可以好健康，最重要係眼神同行為唔好引入人性，所以唔係咁好囉。4、5歲小朋友都識刷牙啦，如果學到咁就唔好啦。」
有網民抨擊o靚模胸大無腦，Wylie回應時又再暗踩o靚模：「呢樣我唔敢講，不過我覺得過份咗，點解出活動同影相時要着到咁性感，好似人哋攞幾蚊，就可以由出面睇到入面。好彩我係舊年出，都只係畀比堅尼人睇，今年乜嘢都要畀人睇。」問到Wylie有否看過八模的寫真集，她又批評說：「其實衣着唔係唔健康，只係眼神同甫士唔健康，有啲一路除一路影就唔係咁好。」其實Wylie於去年推出的寫真集中，都有不少啜珍寶珠的照片，意識是否不良則見仁見智。
提到Rainbow輟學一事，Wylie覺得很多人想入行：「最好keep住讀書先，家周街都係大學生，最少都中五畢業，進修增值一吓。」至於有份出寫真集的Yumi指擔心書展的反o靚模行動，但公司已安排了6名保安保護她，她透露星期日會到旺角試反應。
八模中的Annie G.於寫真集中作狀脫去上衣，被趙碩之批評為一邊影相一邊除衫。
趙碩之去年的寫真集中有一張啜珍寶珠的相片，意識挑逗。
周
秀娜寫真集中的一張刷牙照引來頗大迴響。
