早前林熙蕾才公開承認與朱孝天的戀情，確認男友地位，不過未夠兩個星期，林熙蕾卻反口，否認自己有男友，果然是女人心海底針！看來朱孝天要奪得伊人芳心，實在要加倍努力！
林熙蕾於月初公開承認與朱孝天的戀人關係，更直認等嫁朱孝天！不過，林熙蕾昨日以貴賓身份出席LOEWE 09秋冬時裝騷時，就突然表示自己冇拍拖，前後矛盾。
與楊紫瓊合作而現正忙於電影宣傳的林熙蕾，將會與楊紫瓊合作拍打戲，她透露：「十月正式投入拍攝，我本身唔識功夫，依家搵緊師傅學，我諗要學成兩、三個月。」記者笑言經常忙於拍戲會否忽略男友朱孝天？她卻忽然「改口風」，自稱：「我都冇男友，仲搵緊！」她雖否認朱孝天的條件不合格，但大賣關子說：「仲係觀察緊呀，係Timing唔啱，總之工作為先。」林熙蕾又表示如果搵到適合對象，有機會也會拍拖，當被問到是否因工作忙令兩人感情轉淡，她卻反問：「邊個先？（朱孝天。）我冇話同邊個，觀察緊唔只佢一個仲有好多人。」
另外，林熙蕾相當識做，賣口乖地大讚品牌的設計，她說：「同以前感覺好唔同，好啱我嘅風格！」她又笑言自己是袋癡，收藏多達幾十個，更試過一次過豪花二、三十萬港元買袋，她說：「每季都會買兩、三個袋，都唔算過分，有成幾十個袋！」
林熙蕾以貴賓身份出席時裝騷，期間突然表示自己冇拍拖。
