《敗犬女王》雖然播完咗，但32歲嘅女主角楊謹華仍然食住條水豬籠入水，最近佢累積嘅任代言人收入，達2,500萬新台幣（即約600萬港幣）。上個星期佢就戴住胸圍，宣傳佢代言嘅內衣品牌活動。
谷到鬼咁堅挺嘅咪咪當然吸引，但CIA發現佢凸咪之餘同時凸腩。CIA八到，原來楊謹華因為貪平，最近頻頻食有85折嘅平價火鍋，見咁平當然食得唔好嘥啦，所以愈食愈多之下，咪搞到肥腩囉，其實賺咁多錢就唔好刻薄自己啦。身材走晒樣仲邊會有人搵你代言呀！
台灣《蘋果日報》圖片
楊謹華着住呢套露bra天使裝，谷行咪咪，原本好有睇頭，但一換上呢套紅色露臍晚裝，就出事喇！
楊謹華上年拍《敗犬女王》時身材仍相當苗條。事隔半年，楊謹華唔單只荷包脹咗，就連身材都脹埋。
台灣女星走紅後，以高價接內衣廣告變成不變定律，好似《命中注定我愛你》女角陳喬恩、名模白歆惠齊齊以高價谷咪咪接廣告，台灣宅男幸福死。
