吳佩慈與梁慧恩（Viann）最近爆出「爭仔風波」，日前Viann曾表示前男友Peter仍有主動找她，又大爆Peter並非富豪而是替人打工。昨日身在北京的吳佩慈開腔指Viann不斷爆料反而令她跟Peter的感情更穩定，又指Peter與Viann分手後便沒再與對方聯絡，更替男友感到委屈。
藕斷絲連
記者於昨晚就此事致電Viann，她激動表示自己只是講事實，而且肯定Peter有發電郵給她：「佢啲e-mail到六月中都仲有，我同Peter一齊咁多年，佢有啲信仲未改得切地址，寄嚟我度，點會一啲瓜葛都冇。」
劈腿一年
Viann 續表示感到委屈，並直指吳佩慈是第三者：「我同Peter拍拖六年幾仲訂埋婚，係吳小姐（指吳佩慈）以第三者身份介入，我一直冇指名道姓係得饒人處且饒人，唔想抓爛塊面，Peter嗰陣一腳踏兩船咗一年，吳小姐都知我嘅存在，我要強調唔係想佢哋唔好，祝佢哋結婚就結婚，生仔就生仔。」
Viann又透露是最後一次回應事件，因家人在這次風波中受傷甚深，她說：「我全家人以前都好錫Peter，加上男朋友唔係咁鍾意，呢次係最後一次回應有關事件，唔值得為呢個人罵戰。」
如果您喜歡這篇文章，請按「讚」或分享給您的朋友，以示鼓勵。
