吳佩慈戴10.6卡鑽戒行超市陀仔入豪門有望

「九頭身」潮媽吳佩慈前年同百億富商男友紀曉波喺台灣低調訂婚，上年2月為男友紀曉波生咗愛女「小蕊蕊」，當時吳佩慈透露等愛女出世後會搞結婚手續，不過，一直未有傳出婚訊，更傳出佢同男友感情有變，吳佩慈更po出一張一家三口出遊嘅相，力證同男友紀曉波好恩愛。

吳佩慈今年5月喺私人facebook貼出一張超聲波相，宣傳有咗第二胎，現時懷孕5個月，預產期係今年11月，盛傳今次陀男B，為男友湊夠個「好」字。昨日有週刊指，今個月15號影到吳佩慈大住個肚，以一身貴婦打扮，帶同愛女去超市，右手戴住波子咁大嘅10.6卡鑽戒，估計價值7百萬元。現時長居香港四季酒店嘅服務式住宅嘅吳佩慈，雖然過住「少奶奶」嘅生活，不時照顧愛女飲食，佢都唔會假手於人，親自去買餸。

據知情者向週刊指，吳佩慈近日入門心切，但因為作風太過高調，先令富豪男友卻步，每月發10萬生活費、一張銀行附屬卡，今次陀第二胎，吳佩慈一改作風，甚少返台灣，冇以前咁高調，近日仲同男友見多咗面，關係比以前好，如果今次為男友生個男丁，應該好有機會可以入門，早前週刊問佢今胎陀B嘅情況，佢就話男女都無所謂，今個月初，男友仲嚟香港，一家三口去海洋公園玩，睇嚟有啲機會升呢做「紀太」。
from:http://hk.apple.nextmedia ... 150731/19238516

台灣女星吳佩慈去年為未婚夫富商紀曉波生了大女「小蕊蕊」後，今年初再宣佈懷有第二胎，有傳她想博生男B綁實未婚夫。

吳佩慈昨日與女友人現身九龍港鐵站，當時她身穿黑色外套、黑白間條衫及黑褲，腳踏平底涼鞋，揹Chanel手袋，腹部就十分明顯。吳佩慈與友人修甲，二人一齊搭港鐵返中環，難得她有億萬身家的未婚夫依然慳家，素顏的她戴上口罩，搭車時警覺性甚高，不時周圍望。吳佩慈再做媽咪，依然勤力惡補湊B知識，見她手中拿着育兒書，二人抵達中環站，經ifc行向四季酒店，估計是返回下榻的酒店公寓。

採訪、攝影：羅德光
from:http://hk.apple.nextmedia ... 150925/19308446