徐子珊和胡定欣昨日在尖沙嘴出席美食活動，即場炮製沙律，並輪流餵貌似馬國明的男模。徐子珊正在拍攝電影《錦衣衞》，她表示原先度期回港出席校園活動，但因豬流感肆虐而取消，她不諱言覺得失望。
談到《錦衣衞》的拍攝情況，子珊笑說：「喺銀川開工嘅天氣好熱，差唔多日日都打，好彩未試過中暑，試過打到一星期反甲兩次，真係好辛苦。」她說稍後會與何守信到肯雅拍台慶旅遊特輯，所以今次她當是鍛煉體能。
胡定欣學煲湯
胡定欣則表示最近跟媽咪學煲湯，問其緋聞男友馬國明有否試過？她笑說：「冇喎，馬國明成日都話佢媽咪煮餸好好食，所以佢成日都會返屋企食飯。」有試過伯母的廚藝嗎？胡定欣笑說：「我哋又唔係拍拖，點會無端端上去佢屋企食飯呀？」
採訪：何慧斯
如果您喜歡這篇文章，請按「讚」或分享給您的朋友，以示鼓勵。
