黃貫中、范曉萱、梁榮忠等藝人昨日以無膠袋大使身份在屈地街電車廠出席「電車巡遊迎徵費」活動，大家手持環保袋登上電車巡遊。台灣人氣組合棒棒堂在香港演唱會咪嘴，黃貫中即表示要向他們學習，他說：「有人鍾意睇，唔關我事，可能係專業咪嘴，自己都好怕咪嘴，因為要咪埋結他係好難，我都要向佢哋學習，問題有人鍾意睇，唔可以咁攻擊人，各有各做。」
否認搬入朱茵家早前黃貫中被發現執拾行李到朱茵家同居，又指大埔村屋放盤乏人問津，黃貫中解釋說：「得啖笑，嗰棟大廈住咗好耐，我喺嗰度識朱茵，當日我係執舊衫捐去救世軍，又話放盤冇人問津，我屋企成十幾隻狗點會放盤，砌人都做好資料搜集先啦。」
范曉萱對於棒棒堂咪嘴一事，她說：「如歌迷唔介意就OK，最好唔好啦，自己就未試過。」至於此舉是否不夠專業，范曉萱稱毋須評論，而且演唱會已完結，偶像和創作歌手不一樣，最重要做好自己崗位。
