今年是黃家駒逝世20週年和Beyond成立30週年紀念，可惜屢傳不和的Beyond三子拒絕合體，早前黃家強和黃貫中（Paul）更在微博開拖，前晚葉世榮假九展舉行「薪火相傳」音樂會，Paul現身撐場合唱Beyond歌曲，相反家強卻去了深圳為老闆任賢齊演唱會做嘉賓，Beyond三子繼續天各一方。
世榮和Paul合唱Beyond《金屬狂人》掀高潮。Paul前晚為世榮演唱會做嘉賓，兩人在台上擁抱展示兄弟情。
家強（左）前晚去深圳為小齊演唱會做嘉賓，避過跟Paul同場的尷尬。家強雖然未有現身撐世榮，仍送上花牌支持。
世榮：有叫埋家強
轉戰內地的世榮前晚在港開騷，家強雖沒現身但送花牌支持，並在微博祝世榮演出成功炸爆九展；擔任壓軸嘉賓的Paul甫出場，觀眾high到尖叫拆天，他跟世榮擁抱後笑說：「我好驚！見到你好激動，大家咁多年兄弟，唔使講嘢。」兩人演繹《金屬狂人》唱到青筋盡現掀高潮。
完騷後世榮受訪說：「今次都有叫埋家強，佢知Paul嚟都會嚟，只係佢要做老闆任賢齊深圳個唱嘉賓唔得閒。」不過世榮直認如果家強出現，安排上會有難度，他說：「搵一個唔搵一個，啲人又講嘢，叫兩個又以為重組，嚟到唔重組又要解釋，我都斷氣啦。」問家強和Paul是否已破冰？世榮置身事外說：「你問佢哋，我唔想留意八卦嘢，總之佢哋係我好兄弟。」
至於家強前晚現身深圳為「任賢齊2013飆巡迴演唱會」做嘉賓，現場播出家駒片段紀念，家強跟小齊與家駒隔空對唱《海闊天空》，家強對觀眾說：「希望大家掛住家駒，我就滿足。」
世榮（左）說只要大家掛住家駒，他就滿足。世榮前晚在九展開騷，觀眾全企位high到爆。
from:
http://hk.apple.nextmedia.com/entertainment/art/20130708/18326300
