黃宗澤、胡杏兒戀情遭踢爆

無綫重頭劇《烈火雄心3》今晚有得睇，噚日劇中演員黃宗澤（Bosco）、胡杏兒、鄭嘉穎同王喜等一齊去荃灣宣傳同介紹劇情，點知監製王心慰唔覺意踢爆黃宗澤同胡杏兒拍拖，笑到現場個個肚痛。

當時監製喺台上講解黃宗澤（Bosco）同陳茵媺嘅感情線，點知佢一時口快講錯做胡杏兒，台上其他演員即時笑到失聲，Bosco就尷尬陪笑，點知監製仲加多一句：「唉呀，講咗現實嗰對㖭！」

監製踢爆黃宗澤同杏兒嘅戀情，唔怪得佢哋刻意要鄭嘉穎同陳茵媺企中間啦！

有傳鄭嘉穎（右）同王喜面和心不和，噚日王喜（小圖）突然喊，令人莫名其妙。