人氣暴升的o靚模越做越過界，擁34E逼爆上圍的鍾蕙芝（Lavina）和32B的胡心諾（Rainbow）博盡拋胸，終於露出個未來，首度殺入大銀幕演出新片《撲克王》。昨日兩女率領另外4名o靚模於澳門拍戲，奉旨披上超低胸戰衣姣電古天樂，其噴血打扮贏足女主角鄧麗欣（Stephy）九條街，毋怪乎兩方零交流。Stephy更直認性感o靚模確令男人睇到眼甘甘，自嘆不如難比擬。
o靚模大軍殺入娛樂圈後，令不少女星冇碇企，就連被封為新一代玉女掌門人的鄧麗欣都要坐歪。拋胸崛起的o靚模鍾蕙芝和胡心諾肯博肯露，曝光率奇高，近日她們更被片商垂青，獲邀殺入影圈，首度參演新片《撲克王》。昨日該片拉隊於澳門星際酒店的撲克廳取景，Lavina和Rainbow做膽拖同門的「翻版阿Sa」周凱盈（Monique）與「A貨周麗淇」何雅靜（Suey）、及其他兩o靚模Bambi和Liza，6女袒胸露腿群攻包到冚的鄧麗欣，搶盡風頭。
《靠邊站》
Stephy（右）被性感o靚模圍攻，惟有獨處一角擰歪面冇眼睇。
《展媚功》
左起：Stephy傍實古仔拍賭錢鏡頭，卻被穿背心的Monique和Suey搶鏡。
戲內戲外電古仔現場見6名o靚模齊穿背心及短裙熱褲，打扮性感，當中以大胸Lavina最肯賣大包，酥胸半露，巨咪近乎逼爆衫，非常誇張；Rainbow也落力騷胸，奈何無法越cup挑戰。相比下片中角色需要包到冚的Stephy，與o靚模同場不免失色，雙方各自修行零交流，三五成群的o靚模一齊化妝整頭有講有笑；Stephy則與助手埋堆，靜靜喫麪。現場陰盛陽衰，男主角古天樂還是保持距離，戲外選擇與工作人員聊天。
昨日劇情講述古仔是網上TexasPoker專家，但現實中玩啤例輸心理戰，劉青雲為訓練他成材，刻意安排o靚模飾演的性感索女，在賭枱上向古仔狂電狂嗲，希望他戰勝美色誘惑，所以昨日Lavina和Rainbow等奉旨以噴血造型示人。她們戲內姣媾古仔，戲外同樣冧到震，私下輪流拉住古仔合照，又大讚他靚仔有型。
Lavina拍攝彎身推籌碼晒冷的鏡頭時，雙峯跌蕩震驚四座，對此她表示不介意，其性感打扮只是應電影公司要求，「可能身材問題，着喺其他人身上未必有咁嘅效果。」提到她搶Stephy鏡，她說：「唔會，佢好靚。好開心有機會拍電影，想畀人睇吓身材之外，都想跟古仔拍戲。」Rainbow稱Stephy是有經驗演員，不會搶到她鏡。另一o靚模Liza笑指自己8歲時在街上見過古仔，相隔多年竟有合作機會，她謂：「都係好靚仔，要同佢影相留念。」
《齊列陣》
左起：Monique、Suey、Rainbow、Lavina、Bambi和Liza 6 o靚模青春無敵，成為影圈新血。
《搵承托》
Lavina（左）輕輕俯身，其大咪咪竟可擺上枱。
Stephy：好大競爭
《伴老闆》
Rainbow首次拍片，男友兼老闆Admond親自監場。
Stephy對o靚模冷眼旁觀也自嘆不如，她說：「家啲o靚模好勁，好大競爭，見到佢哋啲小背心好激，我都睇到眼甘甘，啲男人梗係睇得仲犀利啦。睇到集中唔到，成日見住我哋呢啲好悶，我仲要頸巾外套。」Stephy推出寫真小說在即，屆時又被同期出寫真的o靚模追打，她卻笑說：「我嘅寫真唔係好激，雖然都有三點式，但同佢哋比唔同。」
