動畫《冰河世紀3大威龍駕到》前晚在圓方舉行首映，賭王三房女兒、青春無敵的超雲和超蓮低胸上陣，官恩娜則大露背，更有小龍女陳玉蓮出山，三代名人明星共冶一爐，群揪在場人氣勁升的o靚模胡心諾（Rainbow）和鍾蕙芝（Lavina）。一輪混戰後，終由最省鏡的何家淑女勝出。
o靚模新勢力強勢崛起，17歲的胡心諾和同齡的老翻阿Sa周凱盈（Monique）、擁34E大胸的21歲o靚模鍾蕙芝帶同師妹Yuki，前晚齊穿短裙熱褲晒腿出擊，現身圓方出席動畫《冰河世紀3大威龍駕到》（Ice Age：Dawn of the Dinosaurs）首映，搶鏡程度猶勝有份配音、穿大露背裝的官恩娜及稀客陳玉蓮。
何超蓮抗母令，繼續以低胸裝示人。
自信索過o靚模
左起：Monique、Rainbow和Lavina三o靚模，前晚帶小師妹Yuki睇首映。
本來佔盡上風的o靚模，其後風頭卻被兩位何家淑女蓋過。賭王三房的20歲女兒超雲、18歲龍鳳胎超蓮和猷啟到場，雖然早前三姨太陳婉珍曾指女兒衣着太性感，但是夜超雲和超蓮的低胸打扮卻勁搶鏡，超雲遇見o靚模時更投以奇異目光。
問超雲是否認識o靚模時？她卻掩嘴不屑說：「吓？唔知呀，乜嘢模呀？」此時她見o靚模正在拍照，又笑說：「我都幾似佢哋。」超雲覺得靚是各花入各眼，但問她是否自己較索？她即自信地說：「梗係啦。」不過她自嫌太肥，最想減大髀。至於超蓮就匆匆入戲院，記者指她衣着性感，她卻說：「又性感？我已經唔着短褲。」
官恩娜前晚有備而戰，出動大露背戰衣，更邀得陳玉蓮撐場。久違的蓮妹對於與o靚模同場笑說：「最緊要靚，青春最代表到靚嘅時間，冇嘢唔接受，自己年紀大就要諗吓接唔接受到自己啫。」蓮妹是否怕老？她不諱言：「個個都怕老㗎啦。」
