米高積遜原定下月起在倫敦舉行50場演唱會，不少本地藝人早已成功撲飛，惜MJ上周猝逝，令大家非常失落。主辦機構相信也為此感到非常頭痛，對於退票安排，有指持票人可獲安排觀看MJ悼念騷，但尚未落實。
周麗淇希望出席悼念騷，她說：「我原本約咗一班朋友睇騷，配合到會一齊去悼念吓MJ。」
王傑過膠門票張敬軒早有意留票紀念，而歐陽妙芝本與老公去英國睇騷，現已因MJ之死而變陣，她昨日說：「睇悼念騷又唔同咗意義，老公話會退票。」琦琦表示門票是託當地朋友買，她說：「退票可能會麻煩，況且張飛都值得留念，但悼念騷應唔會去啦。」王傑同樣希望把門票留念，他昨日說：「我會叫朋友第日寄番張飛畀我。然後我會將佢過膠，放喺郵票簿保存。」
