去年「孔雀開屏」而喺蘭桂坊偷食斷正嘅倪震，前晚竟然又再喺夜店出現，莫非佢唔怕老婆周慧敏（Vivian）扭耳仔？不過今次倪震係去尖沙嘴某間新開張酒吧恭喜老闆，但點知佢一去到先發現當日自稱畀佢追求過嘅樂壇新人雨僑(羽翹)同埋傳媒都在場，倪震話：「我仲以為私人派對，唔知你哋（指傳媒）喺度，我唔會做訪問。」
倪震前晚再踏足酒吧祝賀老友新店開張，唔知佢家嚟酒吧會唔會有陰影呢？
驚恐四圍望
鈴木仁同餅碎女友Angela（左一）一齊現身，仲帶埋兩個好朋友一齊嚟玩。
因為雨僑(羽翹)同傳媒在場，搞到倪震不知所措，左顧右盼。問到佢知唔知雨僑(羽翹)都在場，倪震話：「唔知。」馮仁昭再追問嚟酒吧怕唔怕Vivian唔開心？倪震問非所答話：「唔好意思，我走先。」結果佢逗留咗15分鐘左右，最後借尿遁就閃走咗!至於雨僑(羽翹)就話唔介意同倪震合照，但可惜男主角閃咗，結果呢張相都係影唔成。講到日前雨僑(羽翹)同班o靚模出席活動時佢唔肯同人合照，佢立即澄清話：「我唔係唔同人合照，係公司話叫我影單人相，等人容易啲認出我，我絕對冇嫌棄班o靚模。
雨僑(羽翹)當日自爆話倪震曾經追過佢而成功上位，睇怕佢都要多謝對方一聲先啱。
