一對夫婦能共度10年，箇中經歷，在人生五味架上必添無數甜酸苦辣。伍詠薇和丈夫練海棠的性情南轅北轍，一個野性，一個浪漫，兩人一路走來不易，各自擊退過N位狐狸先生及狐狸小姐。今年結婚10周年值得賀一賀，伍詠薇夫婦影靚相留念，在法國餐廳設宴慶祝，與至親分享精采人生。誰說婚姻一定是墳墓？
下月1日是伍詠薇和夫婿練海棠結婚10周年的大日子。為紀念這一天，早前兩人特別請來攝影師好友Ringo Tang操刀，為他們拍照留念。當日伍姑娘穿上多款低胸性感的華麗晚裝，甜到漏偕夫合照，她張張相笑到見牙唔見眼，真我個性盡流露。
搭着丈夫肩膊的伍詠薇，穿上低胸晚裝性感高貴。
原來伍姑娘夫婦從未影過結婚相，她前晚接受電話訪問時笑說：「10年前我喺加拿大結婚，原本有人贊助影婚紗相，但啲相要放喺婚紗舖門口，我唔甘心，當時自己就帶條裙去加拿大結婚。家咁大個啦，都要留倩影，我老公做廣告，佢咁多出色班底，不如影輯相，還一個心願。」
伍姑娘夫婦結婚日是7月1日，由於香港每年7.1都放煙花，所以他們的結婚7周年及今年10周年均提早於6月30日慶祝。伍姑娘已揀選當日在一間法國餐廳宴請至親，她說：「大家一齊度過10年係好精采嘅事，結婚係positive，唔係咁恐怖，我快樂，想同朋友一齊分享。」
過去10年這對夫婦經歷太多，伍姑娘直言：「出面太多誘惑，要打低狐狸先生同狐狸小姐，我老公好浪漫，好易誤導女仔，我太野性，吸引男人唔奇，但要令人欣賞你，唔會出軌。我哋相處要分享誘惑、坦白、包容同畀大家空間。」
