趙碩之昨日以低胸裙拍攝唇膏廣告，談到被指與旗下靚模Rainbow拍拖的模特兒公司老闆Admond時，她即翻對方舊帳，語帶不屑說：「Admond唔係有女友㗎咩？（有料爆？）我17歲嗰年，Admond搵我做影會model，做九個鐘，但出六個鐘人工，數目不清，佢話休息時間唔計，好似逼人休息，其他model對佢評價都麻麻，所以合作一次後都冇做。（佢有冇追你？）冇，佢有個model女友，但我唔記得佢個名。」
Lavina（左）一個俯身，搶晒Rainbow鏡。
碩之又指Rainbow有損model形象，她說：「我都唔會大街大巷咁樣，拍拖ＯＫ，但要收埋，唔好等年輕人有樣學樣。（你收埋拍？）我有拖都唔拍，我對工作有火，（靚模都有上位熱誠。）我唔識同靚模比，只會做好自己。（威脅你嘅工作機會？）冇，都冇正面衝突。拋胸風氣教壞人，我17歲時只顧做運動，入行後多人注意我身材，但唔想人focus，我唔鍾意拋胸。」
她介紹唇膏時略帶尷尬說：「支唇膏可以搽嘴同nipple（乳頭），我都有試，仲搽到出界。（整靚畀邊個睇？）我不嬲都pink，整畀將來嘅男友睇。」
趙碩之低胸裙打扮拍攝唇膏廣告。
