盧巧音（Candy）、韓君婷、貝安琪母女、鄒文懷夫婦及女兒等，前晚現身灣仔君悅酒店出席《特攻闊少爺》（Largo Winch）首映禮，自言肥了5磅的韓君婷率先到場，對於她上載到facebook的照片被人刊登，她直言感到奇怪，她說：「其實啲相冇乜特別，只係擔心被人入咗去攞啲相，我唔希望有負面嘢寫啫。」
「痛到似生仔」
盧巧音兩隻手臂共鑲了4粒鑽石，左臂1粒（左圖），右臂3粒（右圖）。
至於近日蜜運成功的Candy，前晚穿上黑色露肩裝展示鑲嵌在手臂上的鑽飾，她繪影繪聲大談鑲鑽時的自虐經歷說：「啲鑽石其實係軚金屬，所以唔會發炎，我整嗰時要開手臂少少肉，種粒嘢入去，如果第時要拎番出嚟，就要做手術先得，其實成個過程好痛，痛過紋身好多，痛到好似生仔咁，所以要分開幾次做。我因為見手臂嘅紋身都成10年，所以就送啲嘢畀佢點綴吓囉。」
