真真假假，當它夢一場，真真假假，還是忘了吧！呢個網絡世界信佢一成，隨時好似花姨咁，執相執到欄杆變形，好似巨聲幫吳業坤咁，前晚喺微博貼出「大隻佬」圖，原來早前佢想搵網民幫拖，將佢個樣key落同係巨聲幫嘅陳國峰身上，即係想借陳國峰嘅肉體，加上佢自稱「玉樹臨風」嘅樣，恨要一張「無敵P圖」，網民都有還佢心願，畀咗一張執好相嘅圖佢，坤哥更貼出P圖，更留言：「感謝大大P得我夠霸氣，高手在民間。」
睇完啲「假肌」，都想睇啲真肌，原來型男吳彥祖前晚差唔多時間，亦都有喺微博貼出健身露粗壯手臂嘅相，寫道：「I am not Sunny,he's a character I play and in order to play him well it takes a lot of work.That means.」喺健身房大曬深夜福利，相中所見，吳彥祖露出結實嘅肌肉，呢啲迷人嘅線條，先叫貨真價實，對比番坤哥嗰張，「無敵P圖」即迅速散出「膠」味！
from:
http://hk.apple.nextmedia ... 150625/19197510
