雖然昨日天陰兼下雨，但賭王三姨太陳婉珍的愛女何超蓮依然身穿背心熱褲，在銅鑼灣鬧市和朋友仔行街shopping，吸引不少市民目光。
當記者上前找超蓮做訪問，超蓮大方停下閒談幾句，她表示剛由英國回港放暑假，現場見她比前消瘦，皮膚又較黝黑，她聞言笑說：「係咪真係瘦咗㗎，我其實冇刻意減肥，可能早排考試有壓力，所以瘦咗。」
鼻子似爸爸
何超蓮（左）昨日與友人結伴在銅鑼灣逛街，並大方讓記者拍照。
記者取笑超蓮衣着性感，她自爆出門時也被媽咪鬧，故最後穿了tube top打底。
見超蓮鼻子高挺，問她是否有整容？她嬌嗔道：「唔係，我個鼻似爸爸，呢啲叫爸爸鼻，佢個鼻都係咁高。」會否在港做暑期工？她表示會，但怕被傳媒追訪，所以不會透露詳情。談到感情生活，她謂未有男友，不過有朋友作伴，也不會悶。
