詹瑞文《港女發狂之港男發瘟》化身Richer Lee

詹瑞文演出的舞台劇《港女發狂之港男發瘟》第二場前晚在文化中心舉行，白韻琴和謝偉俊前後腳到場，謝偉俊解釋因開會遲了，故此獨自到場。阿詹前晚推着BB車接受傳媒訪問，他邊行邊說：「我係Richer Lee，我老婆Cinderella啱啱生咗個BB，爺爺仲幫佢改咗個名叫長江7號。」他又表示一身造型是集合賣女阿媽、電車男、大富豪和製造型男品味王而成。
戥梁洛施高興

對於有傳梁洛施（Isabella）下月會帶同BB返港，阿詹表示到時會在廣州巡迴演出，他說：「如果有機會同佢見面，我都會送份禮物恭喜佢，暫時我冇聯絡佢，生完BB要多啲休息，可能佢會再努力呢。」早前阿詹指曾與李澤楷見面，問他李澤楷可有提過結婚一事？他說：「我哋冇講呢啲，我聽朋友講Isabella好開心，我同太太都戥佢高興。」