鄧麗欣（Stephy）同吳雨霏（Kary）呢對好姊妹噚日到銅鑼灣幫小肥撐場，因為呢個師弟下月24號喺九展舉行音樂會，當晚佢哋仲會聯同側田、唐素琪做嘉賓，同小肥齊齊喺台上jam歌。
鄧麗欣（Stephy）同吳雨霏（Kary）y喺刨冰度猛加辣椒油同啤酒，仲係咁餵小肥，難怪佢露出悽慘神情。
死撐話好食為咗表示誠意，有地獄廚神之稱嘅Kary同Stephy，即場整刨冰畀小肥食，但佢哋認真大整蠱，猛落啲果汁同啤酒喺刨冰度，Stephy仲加料落埋辣椒油，跟住仲猛餵小肥食，見到咁嘅情況，小肥惟有死撐話好食。兩個師姐之後都好識做，猛同小肥打氣，Stephy讚小肥唱歌好聽，Kary又話本來想睇小肥跳舞，但聽到小肥話怕引起觀眾不安，所以擱置呢個構思後，覺得好失望。
怕觀眾會嘔事後三人齊齊接受訪問，小肥話第一次開音樂會，所以希望試吓新嘢。問佢喺台上會唔會有性感演出，佢話：「性感留番畀女士，如果我性感，怕觀眾會嘔爆。」Stephy同Kary聽完呢句說話聯手反攻，Stephy開口叫小肥帶頭行性感，跟住Kary又踢爆小肥有腹肌，仲成日靜雞雞去做gym，小肥聽完之後個樣尷尷尬尬，跟住仲俾人笑佢守身如玉。
