鍾欣桐（阿嬌）復出作獨立發展以來，公司密密為她接廣告。昨天她在柴灣拍攝內地電話廣告，該產品將投放5,000萬作宣傳費。阿嬌稱已接拍數個廣告，工作量增加，有望紓緩財困，她說：「我冇做一年嘢，有財困問題，始終個人冇做嘢都要生活，咁我將樓租出去畀人，其實都夠用，邊度跌就喺邊度起番身。」
「唔需要理佢」近日有指陳冠希用MSN約阿嬌飯敍和解，阿嬌說：「我block咗佢喎！算啦，我唔想，同埋唔會聽電話。」問到是否希望男方消失，她說：「唔需要理佢。」
內地早前頒令禁止播出有負面新聞藝人的節目，但湖南衛視為阿嬌做的深情訪問傳將解封安排播出，阿嬌表示不知情，她說：「公司好似都唔知，我一路冇諗過播唔播。不過拍之前去咗台灣做嘢，嗰排飲水減肥，食嘢好清淡，點知食咗阿Sa（蔡卓妍）買嘅嘢食，懷疑太油所以唔舒服，狀態唔好都想拍過。」
