候選港姐3號鄭寶源自認家傳咪神

無綫總經理陳志雲昨日探訪10位候選港姐，他說：「佢哋EQ好高，叫佢哋自我介紹，佢哋都好大方講自己個花名，好似翻版許愿（2號林潔瑜）、大汗Suki（3號鄭寶源）。」

志雲命佳麗坦白
對於今屆港姐負面新聞不絕，志雲說：「最緊要唔好講大話，要講真話。」被問到有沒有用張舒雅做例子，他說：「一般來講我哋冇提名。」鄭寶源被指借唱K撬牆腳，寶源昨日承認Jacky是她的舊男友，她說：「我諗佢同我一齊嗰時係單身，同埋冇發生過嗰件事（撬牆腳）。」她表示拍過三次拖，Jacky在三年前高中跟她拍拖9個月，至於被指隆胸，她說：「好笑，我一直係咁，可能係遺傳，我媽咪仲勁。」而4號劉倩婷也主動承認是02年港姐冠軍林敏俐的表妹，生父做製衣很少見面，與母親、繼父在英國生活多年，繼父並於早前過身。