有傳Lavina （左）踢爆E Cup Baby 有體臭，兩人昨日互攬澄清不和。
PS3網劇《夏之盛放》殺出E 級少女Lavina 及美少女廚神Rainbow 力抗師姐E CupBaby ，昨日大會又為網劇舉行寫真集記者會，兩名後起之秀否認唱師姐E CupBaby 有臭狐，於台上更你攬我時我攬你，有講有笑。
Lavina （左）為E Cup Baby 除頸鏈，以行動扮老友。
Lavina （右）在床上不慎露出打底褲。
電玩PS3 昨日於西九龍中心為網劇《夏之盛放》的寫真集舉行預購會，E Cup Baby劉欣宜、鍾蕙芝（Lavina ）、胡心諾（Rainbow ）和翻版阿Sa 周凱盈（Monique）都有出席，吸引大批攝影發燒友圍觀。當中E Cup Baby 不再封胸，和Lavina 鬥性感，眾人先於台上大擺甫士，之後又轉到台下的床上取景，Lavina 更不慎露出熱褲下的打底泳褲。
四女各以低胸裝上陣伏在床上，春色無邊。
「一定有汗味」
雖然Lavina 和E Cup Baby 屢傳不和，更有傳Lavina 和Rainbow 指E Cup Baby 有臭狐，不過昨日Lavina 和E Cup Baby 於台上為對方除下飾物，拍照時又互攬，似是十分老友。四女除下身上的飾物送予現場觀眾，其間一名圍觀者一直舉高相機，似是在拍幾位少女胸部，見記者發現又即東躲西藏。
劇集本月底才推出，但是非卻浪接浪，被指有臭狐的E Cup Baby 接受訪問時否認說：「聽到真係哋喎，如果係有，你哋（記者）都走開啦。不過都知呢行傳吓傳吓就係咁，我估可能係現場好多工作人員都係男士，夏天做嘢就一定有汗味，所以會錯意囉。」
Lavina 親自為男fans 戴手鏈，但男fans 卻不敢直視。
私下少聯絡
被問到可會覺得被針對時，E Cup Baby 說：「唔知呢，可能平時我個人少講嘢啦，不過有得俾人寫都好過冇。我同佢哋有偈傾，不過私下就少聯絡囉。」至於Lavina 則說：「我冇講過，唔知點解會咁寫，我哋成日一齊拍嘢，大汗就可能會，但係就唔覺有味。」至於疑似被「高炒」胸部，她說：「不過做緊嘢冇辦法，希望大家唔好淨係影胸，其他地方都好靚。」
Rainbow 昨日打扮明顯較失色，她說：「唔緊要啦，我同佢哋都唔同路線，我唔介意。」提到她就讀的學校有學生涉嫌吸毒，她說：「我中一讀第二間學校都有人撩過我試，但係唔可以知法犯法，真係好唔應該。」提到臭狐事件時，她說：「我哋冇不和，都冇聞到。可能我哋多女仔，所以令人覺得好多是非。」
