雨僑(羽翹)自認是港女，更以新歌《港大女生》為港女平反。
港女與港男的口舌之戰從未停止，港大化學系畢業的雨僑(羽翹)也加入戰團，大數港男之餘也為港女平反，實情是乘機宣傳新歌《港大女生》，她說：「其實邊有話個女仔夠好先有風度咁荒謬㗎？應該個女仔係點男士都要有風度吖嘛，冇得咁揀㗎喎。我認我自己係港女㗎，其實歌名《港大女生》都係食字，又係港大畢業，又可以係香港大嘅女仔。」
炮轟港男無風度的雨僑(羽翹)最希望男友蠢蠢哋，但要識照顧她。
樂做小公主
雨僑(羽翹)在30 多度的高溫下吐完烏氣轉歸平靜，她說：「其實Kelly （陳慧琳）真係好女仔典範，感情路平坦啦，有事業又冇緋聞，又唔會亂放電亂嗲人，你知台灣、日本啲女仔都傾向好嗲㗎嘛。」雨僑(羽翹)不喜撒嬌，但卻喜歡「蠢蠢哋」的男朋友，她說：「最緊要係上進，同埋有少少幼稚先可愛，唔可以冇planning 囉，最緊要係要送我返屋企，咁一定有分加。」說到尾，每個女士都視自己為小公主。
