HotCha 日前於烈日當空下拍MV ，難得三人仍精神奕奕。
HotCha與啤梨為了School Tour 合唱了一首主題曲《時光之光》，日前4 人於30 ℃高溫去到數碼港拍攝MV 。而身為前輩的啤梨備受厚待，三位小妹妹為他擔遮、遞水又抹汗。
HotCha 拍MV 時發揮敬老本色，為啤梨擔遮、遞水兼抹汗。
Regen 自爆小學時已是啤梨電台節目的fans 。
原來HotCha 的Winkie 與Crystal 於未正式成為歌手前，曾為啤梨伴舞，日前拍攝合唱歌《時光之光》的MV 時他們不停重提舊事，啤梨更大讚她們有女人味，他說：「嗰時佢兩個都好細個，畀我嘅感覺係好可愛，之後佢哋入行後見番佢哋，就發覺佢哋越來越有女人味。」
Regen 就自爆小學時已是啤梨電台節目的fans ，她說：「我嗰時打過電話去啤梨個節目唱歌，後來仲贏到唱K 禮券，之後我6 年級時參加歌唱比賽又遇啱啤梨做評判，不過當時只係得第3 名，今日我要搵佢算賬。」拍攝當日正有30 ℃高溫，HotCha 及啤梨事前沒有預料烈日當空，幸好工作人員預備了兩把太陽傘，不用埋位時眾人都匿在太陽遮下，以免曬傷。
「曬親前輩唔好」
HotCha更發揮敬老本色，不時為啤梨擔遮、遞水及抹汗，她們笑說：「我哋仲後生，曬親啤梨前輩就唔好啦，不過今日我哋冇預到咁曬咁熱，我都驚收工之後會中暑，下次會同公司提議夏天拍MV 都係喺室內拍好啲。」
蘋果日報
