動漫Maggie李曼筠着住件黃金甲式宮女服出場，即刻吸引晒現場嘅目光。
大S 徐熙媛 噚日喺香港仔宣傳新片，耍劍都未能搶風頭。
古天樂、徐熙媛（大S ）同動漫Maggie 李曼筠噚日喺香港仔珍寶海鮮舫以古裝扮相出現，宣傳王晶執導嘅新戲《大內密探零零狗》。雖然主角係古仔同大S ，不過動漫Maggie 一身低胸宮女打扮就非常搶鏡，成為焦點。
大S 徐熙媛接受訪問時好大方咁話自己冇本事着動漫Maggie 李曼筠套衫出場，佢講笑咁話：「剛剛那個沒有辦法穿，就算穿起來中間（胸部）都是空空的。這個工作就交給她吧。」
王晶話10 幾年未拍過古裝，仲話如果收得，呢個系列會一直拍落去。
FROM apple daily
